انا عمر 24 سنه من محافظة اسيوط
كنت من اربع سنين بالظبط في البلد كنت مش من النوع الي بيخاف اصلا كنت أكاد اكون مش بصدق اي حاجه الا لو شفتها ب عنيي كنت بقي عندي إدمان رعب قصص روايات كنت عرفت عن الجن كل حاجه الاسماء و الانواع و اماكنهم و اسماء كتب السحر حتي طبعا بالنسبة لأهلي و خصوصا الناس الي كانت زمان مثال جدي في اي مكان كانوا بيحبوا يتعمقوا في كتب السحر و الكتب النادرة القديمة قالوا من باب المعرفة و العلم بالشئبعد وفاة جدي و لما كنت بجمع الأشياء القديمه علشان أحفظها عندي عيني لمحت صندوق خشب عتيق شكله اثري فتحته زي ما يكون في كفن
ولقيت فيه كتاب واضح من الغلاف شكله غريب و قديم ولما فتحت الكتاب حسيت برعشه ٠٠وكأن عاصفة ثلجية ضربتني برودة رهيبه .
لقيت مكتوب من داخل الغلاف (اللؤلؤ و المرجان في تسخير ملوك الجان)
انا كنت في قمه السعادة معقول كتاب سحر حقيقي و أصلي كمان قلت لا ده ملكي وحدي لازم ده يتحفظ بعيد رجعت الكتاب في الصندوق و قفلت الصندوق و أخفيته تماماً داخل غرفتي و بدأت ابحث في مواقع الانترنت و لقيت بالظبط.
"ان كتاب (اللؤلؤ و المرجان في تسخير ملوك الجان)
كتاب لا يقل أهميه عن كتاب (شمس المعارف الكبري )
حيث يقال ان مؤلف الكتابين هو شخص واحد و حيث ان كتاب (اللؤلؤ والمرجان في تسخير ملوك الجان ) ليس بالكتاب الهين او السهل حيث ان الكتاب الأصلي مكتوب ب الريشه او خط اليد و يذكر الكتاب الطرق الصحيحه و المحرمة في استحضار ملوك الجان السفليه و العلوية و ايضا الطرق التي استخدمت في اللغات و الديانات الأخرى و طرق استحضار و تسخير الأميرات و ملكات الجن و ايضا القرين و غيره في استخدام الجن في الكشف و الانتقام و الإخفاء حيث إخفاء الشخص عن الأعين و ايضا في القوه حيث يمكنك رفع الأشياء و تحطيمها باستخدام الجن .
و يذكر الكتاب العزائم و القسم الحقيقي باللغه السريانية و لغه العهد القديم و العديد من السحرة والمشعوذين يبحثون عن هذا الكتاب و يعتقد البعض الحصول علي هذا الكتاب يعتبر مستحيلاً تماماً"
انا بقي احساس البطل و الفارس لان عندي كنز و كتاب نادر و يعتبر خرافه و غير موجود اصلا فضلت افكر و ادور اعمل ايه قلت هبدأ في استحضار قريني عادي يعني .
دخلت الحمام و قفلت الباب و فضلت قدام المرايا داخل الحمام و انا معايا شمعه و في شمعتين علي جانبي المرايا و انا معايا واحده و فضلت أردد القسم ..
"""اقسم عليك بحق ملوك الجن السلعه بحق خدام الملوك بحق السيد مصيطرون سيد العلويين بحق جبرائيل و ميكائيل و إسرافيل و عزرائيل بحق برقان و بحق ميمون و بحق الأبيض و بحق الاحمر و بحق شمهورش و بحق عائنه و بحق الغنجميه و بحق زيتونه و بحق شيطعونه أقسمت عليك يا (رمع) ان تحضر الآن في الحال و الساعه و تجعلني ابصرك و أسمعك الوحا الوحا العجل العجل الساعه الساعه ""
فجأة النور كله قطع وانا لوحدي في الحمام قدام المرايا و الشقه دي قاعد فيها لوحدي و أهلي في الجنب التاني انا في اللحظه دي الشموع انطفأت تماماً وانا مرعوب رجعت افتح باب الحمام لقيت الظلام خارج الحمام أشد من داخل الحمام رجعت الحمام تاني و قفلت الباب ووقفت قدام الحوض و قدام المرايا وبعدها نور شديد كان من داخل المرايا انا افتكرت حد من خارج الحمام معاه كشاف و النور وصل للحمام لكن اكتشفت ان النور من داخل المرايا فضلت أرجع وأنا قلبي هيقف من سرعه النبضات و لقيت صوت مفزع بتردد و يهز المكان بيقول "لقد حضرنا" ماذا تريد والشكل داخل المرايا حد شبهي بالظبط بس مش انا الشعر الطويل المتناثر و الأسنان و العيون الي زي عيون الافاعي ولونها الاحمر زي لهيب النار و صوت "لقد حضرنا ماذا تريد ماذا تريد ماذا تريد.
انا بصوت كله توتر و خوف بقول "من انت
و الرد كان مفزع .
"انا انت انا قرينك و نصفك الاخر انا أسير حياتك و جانبك المظلم أنا "رمع " حضرت ب قسم ملوك الجان أطلب ما حاجتك "
أنا أصلا خرست من الخوف و أنا بقول انصرف أنصرف لا حاجه لك مشكور علي الحضور والنور رجع خرجت أجري من الحمام وانا أردد في سورة الزلزلة و أردد كلمه أشتاتا ثلاث مرات في كل مره رجعت رجعت الكتاب للصندوق و قفلته و خرجت علشان أحرقه مقدرتش أبدا تصدقوا والله العظيم لما اتشجعت و أشعلت النار الصندوق اتحرق والكتاب لا انا من الفزع صرخت جبت قماش كتير و أكياس و فضلت ألف الكتاب و بعدها مكان داخل البيت، ودفنته و أظن مازال حتي الآن الكتاب موجود بس في كل مره بشوف رمع ده في المرايات و الكوابيس لدرجه أني احيانا بشوفه وأنا داخل الحمام زي ما يكون مستنيني مبقتش بسيب فرض و لا ذكر ولا بقيت أحب سيره رعب أو جن من ساعتها.نسيت اقولكم ان مؤلف الكتاب كان اسمه.
(أحمد بن علي البوني)
حقيقة و حدثت بالفعل
ردحذف